Gåktu stávvimkontroalla dagáduvvá

Stávvimkontroalla dagáduvvá lahka aktisasjvuodan Råmså universitehtajn sáme giellateknoprosjevtajn. Prosjækta Råmsån la dahkam prográmmav mij máhttá såjådit sáme bágojt vuodohámes ietjá hámijda, ja gávnnat man hámen såjådum báhko l. Dát barggo aneduvvá vuodon stávvimkontroalla dagádijn.

Programmerára gárvedi vaj lingvista oadtju tjállagijt guoradit ja gæhttjaladdat man buoragit stávvimkontroalla dåbddå bágojt ja jus såjådibme l riekta. Lingvista duoddiji bágojt ma e gávnnu prosjevta báhkolistajn, ja divudi analysáhtura grammatihkav. Dán láhkáj buoreduvvi ja vijdeduvvi báhkolista ålles ájgev.

Dajna gå stávvimkontroalla galggá dagáduvvat Windowsij, Mac OS X:j ja Linuxij, de hæhttu doarjjot dajt teknologijajt ma gávnnuji dájda vuododagájda. Prográmma dagáduvvi ma ietjájduhtti Råmså universitehta formáhtav dan formáhttaj, massta l dárbbo ietjá vuododagán.

Maŋenagi gå barggo åvddån, de juogadip gæhttjaladdamgiehtojt korrektuvrraprográmmajs. Dá biejaduvvi prosjevta sijddasijdojda vaj berustiddje oadtju viedtjat ja gæhttjalit dajt.

Maŋemus rievddaduvvam: $Date: 2008-12-09 11:04:25 +0100 (tir, 09 des 2008) $, by $Author: thomas $