Tevstas-hållaj

ÅDÅS!
Nuorttasáme tevstas-hållåj le almoduvvam 6.5.2.15!

Divvun ja Sámdigge li åvddånahttám nuorttasáme hållamsyntiesav aktan Acapelajn. Hållamsyntiesajn, jali tevstas-hållåj-vuogádagájn, le vejulasj dáhtámasjijnnaj moatten prográmman ietjájduhttet tevstav luondulasj hållaj. Sjærmmalåhkåmprográmma baktu (viertti sierra åttjuduvvat) máhttá dáhtá jieddnát låhkåt divna tevstav mij sjerman vuojnnu. Gávnnuji guokta sáme giela, nissungiella ("Elle") ja ålmåjgiella ("Biera").

Nuorttasáme tevstas-hållåj-vuogádahka gávnnu addnijda guovten versjåvnån:

  • Nuorttasáme Infovox 4 Windowsij
  • Nuorttasáme iVox OS X:j

Nuorttasáme Infowox (Windowsij) buvteduvvá USB-sákke baktu majt nåvgå máhtá diŋŋgut Sámedikkes jali Divvun-juohkusis UiT:n (feedback@divvun.no). USB-ságge la persåvnålasj, valla máhttá gádoduvvat dáhtámasjijnas sajájduhttema maŋŋela. USB-sákkijn la vejulasj nuorttasáme hållamsyntiesav addnuj válldet aj ietjá dáhtámasjijnajn. Dåhkki dav maŋen válldet ja ietjá dáhtámasjijnajda biedjat, ja navti hållamsyntiesav adnet sajájduhttema dagi. Dárkkelap bagádusáv gávna dánna (nuorttasámegiellaj).

Nuorttasáme iVox OS X:j máhtá viedtjat nåvgå dássta. Aktivieritjit ja addnuj váldátjit nuorttasáme gielajt dárbaha aktivierimkåvdåv majt nåvgå oadtjo Divvun-juohkusis UiT:n (feedback@divvun.no). Bagádusá gåktu sajájduhttet ja vuogádagáv adnet gávna dánna (svierigadárogiellaj) ja dánna (ieŋŋilsgiellaj).

Acapelan le sierra demo-bielle gånnå besa gæhttjalit sáme gielajt akta ber makkir tevstan

Le vejulasj gielajt hiebadit ietjas dárboj milta. Lagáp diedojt gávna Acapela nuorttasáme giellabagádusán. Bagádus ienemusát gåvvi gåktu muhtem konstruksjåvnå lågåduvvi, valla 6. ja 7. kapihtal tjielggi gåktu vædtsagijt hiebadit.

Institusjåvnnålisensa

Válde aktijvuodav Divvunin jus le dárbbo moatte lisensajda avta bále, buojkulvissaj ålles institusjåvnnåj. Válde aktijvuodav Acapelajn jus sidá ásadit sierra TTS-vuogádagáv. (aktijvuodadiedo li vuollelin).

Åvddånahttijda

Nuorttasáme tevstas-hållaj-vuogádahka gávnnu moatten versjåvnån åvdånahttijda ja iehtjádijda gudi sihti hållamsyntiesav avtastahttet ietja prográmmaj ja vuogádagáj:

  • SDK: Acapela TTS Windowsij – PC
  • SDK: Acapela TTS Windowsij – Server
  • SDK: Acapela TTS Linuxij – Server
  • SDK: Acapela TTS OS X:j

SDK-versjåvnå vierttiji diŋgoduvvat njuolgga Acapelas. Válde aktijvuodav Susanne Magnussonajn (susanne.magnusson@acapela-group.com, tlf +46 8 799 86 02) jus li gatjálvisá dáj versjåvnåj birra.