Divvuma ájggepládna

Tjoahkke

Snivvap pládna

Ájggepládnan vuollelin li ájnnasamos ålådusá mierkkidum dáj kåvdåj:

ALFA:

Vuostasj doajmme versjåvnnå, ij la gielalattjat ålles, viertti vuordet korrektuvrraprográmma ja oajvveprográmma e dåjma nåv gåktu galggi. Adnemdokumentasjåvnnå ij la vil tjáledum ja jårggåluvvam.

BETA:

Korrektuvrraprográmma li gárvvása buore mudduj ja stajguga, addnedokumentasjåvnnå ålles, valla ij ájn gárves divna gielajda, ij la ga divodum. Buore mudduj ålles gielalattjat, valla soajtti fájllut ájn bágo. Sierra láhkáj guosská dát julevsábmáj.

FINAL:

Korrektuvrraprográmma li snivva gæhttjaluvvam, li ållåsa ja stajguga, adnemdokumentasjåvnnå l divodum ja jårggåluvvam juohkka giellaj, installerimgurpe li ållåsa ja gæhttjaluvvam. Korrektuvrraprográmma gávnnuji dábálasj adnuj.

aSpell:

Stávimkontrållå l dagádum rabás vuodokåvdåjn, ihkap aSpellajn, gávnnu luovas oassen Windowsij, Linuxij ja MacOS X:j.

inDesign:

Báhkojuohkem Adobe InDesign integreridum Mac:j (ja ihkap Windowsij)

MSOffice:

Stávimkontrållå ja báhkojuohkem integreridum Microsoft Officij Mac ja Windows diehti.

OpenOffice.org:

Stávimkontrållå, ihkap báhkojuohkem, OpenOffice.org sissŋelin, gájkka gålmmå operativsystebmaj.

Almulasj ájggepldána gåktu prosjæktastivrra dåhkkidij dav javllamánon 2004, álggem- ja hiejttembiejvij, ja ålådusá juohkka jahkebælláj:

Gålgådismáno 1b 2004:

Almulasj álggembiejvve, prosjevta njunjos álggá.

Ådåjakmáno 1b. 2005:

Duohta álggembiejvve, gájkka prosjæktabargge bargguj biejadum.

Snjilltjamáno 1b. 2005:

Maŋemus biejvvemierre almulasj fállagijda dajda åsijda prosjevtas ma guláduvvi. Infrastruktuvrra l gárves, prosjæktaorganisasjåvnnå ja -kommunikasjåvnnå doajmmi buoragit.

Ådåjakmáno 1b. 2006:

Kontrákta ålgoldis ásadiddjij la gárvvásin sjiehtadaládum ja vuollájtjáledum, aktijbarggo ásadiddjij la álggám. Vuostasj versjåvnnå nuorttasáme stávvimkontrållås rabás gálldokåvdåjn vuodon la gárves (aSpell-ALFA).

Snjilltjamáno 1b. 2006:

Vuostasj nuortta- ja julevsáme gæhttjalamversjåvnnå stávvimkontrållås kontorprográmmajda (MSOffice-ALFA, OpenOffice.org-ALFA), vuostasj nuorttasáme gæhttjalamversjåvnnå báhkojuohkemij (InDesign-ALFA). Tækstatjoaggem la ållidum.

Ådåjakmáno 1b. 2007:

Nubbe gæhttjalamversjåvnnå gájkka korrektuvrraprográmmajs la gárves (aSpell-BETA, MSOffice-BETA, OpenOffice.org-BETA, InDesign-BETA).

Snjilltjamáno 1b. 2007:

Korrektuvrranævo li gárvvása ja versjåvnnå 1.0 gávnnu almulattjat gájkajda (aSpell-FINAL, MSOffice-FINAL, OpenOffice.org-FINAL, InDesign-FINAL).

Ragátmáno 30b. 2007:

Prosjækta ålliduvvá, gájkka dokumentasjåvnnå ja prosjæktadiededibme li gárvvása ja guodeduvvi stuoda sujttimorganisasjåvnå hállduj. Vige 1.0-giehton li divodum.

Korrektuvrraprográmmav viertti agev ådåstuhttet gielalattjat (giella rievddá gætjo ájge) ja teknihkalattjat (båhti ådå versjåvnå operativsystemajs ja prográmmajs). Danen viertti stuoda sujttimorganisasjåvnnå mij åvdåsvásstet gielalasj ja teknihkalasj ådåstuhttemijs. Ietjá dahkamusá dasi l biedjat jåhtuj bargov dahkat sæmmi lágásj nævojt oarjjelijsámegiellaj.

Maŋemus rievddaduvvam: $Date: 2008-12-18 12:41:33 +0100 (tor, 18 des 2008) $, av $Author: per-eric $

by Sjur N. Moshagen

Send feedback about the website to: divvun@samediggi.no