Sajáiduhttit, heivehit ja molsut boallobeavdehámuhusaid macOS 10.9:s-10.12:s

Jos sámi áigu čállit, de galggalii atnit sámi boallobeavdehámuhusaid. Vuollelis leat bagadusat das got viežžá, sajáiduhttá ja heiveha daid, ja got daid álkit molsu.

Sajáiduhttin

  1. Mana Divvun Divvuma siidui gos gávnnat boallobeavdehámuhusaid, ja coahkkal viežžanliŋkka sajáiduhttái:

    Viežžat sajáiduhtti

  2. Coahkkal Vis nedlastinger-boalu, ja de coahkkal Vis i Finder-boalu:

    Čájet sajáiduhttinpáhka Finderis

  3. Duppalcoahkkal sajáiduhttinpáhka:

    Raba sajáiduhttinpáhka

  4. Sajáiduhtti vuolgá johtui:

    Álggat sajáiduhttima

  5. Muhtin sajáiduhttiin leat dieđut boallobeavdehámuhusaid birra:

    Sajáiduhtti Readme

  6. Dál sáhtát duođas sajáiduhttigoahtit:

    Gárvvis sajáiduhttimii

  7. Dárbbašat hálddašanvuoigatvuođaid go sajáiduhtát dán páhka:

    Hálddašanvuoigatvuođat

  8. Sajáiduhttin gearggai:

    Sajáiduhttin gearggai

  9. Maŋŋil sajáiduhttima ferte ođđasis bidjat johtui dihtora.

Heivehit

Maŋŋá sajáiduhttima fertet heivehit ođđa boallobeavdehámuhusaid. Daga ná:

  1. Raba Systemvalg… Apple-fálus:

    Raba "Systemvalg…"

    Dehege Dock-fálus:

    Raba "Systemvalg…"

  2. Coahkkal Tastatur

    Systemvalg…

  3. Coahkkal gilkora Inndatametoder ja coahkkal plussa-mearkka vuollin gurut čiegas:

    Lasihit sámi boallobeavddi
    Dárkkis ahte Vis tastaturmeny i menylinjen-boksa lea merkejuvvon.

  4. Vállje dan sámi boallobeavddi maid háliidat ja coahkkal Legg til:

    Lasihit sámi boallobeavddi

Molsut boallobeavdehámuhusaid

Vállje de sámi boallobeavddi fálus olgešbealde go áiggut čállit sámegiela:

Vállje sámi boallobeavddi čállimii

Njuovžileamos vuohki molsut boallobevddiid gaskkas lea deaddilit Ctrl-gaska (⌃-␣ ).