Geavahit Divvun-reaidduid MS Office 2011:s

Mearkkaš
Go čálát sámegillii Microsoft Offices Macii (buot veršuvnnat), de fertet geavahit gielaid Katalansk (=davvisámegiella), Baskisk (=julevsámegiella) dahje Slovakisk (=lullisámegiella). Sivvan dása lea ahte Microsoft ii leat lasihan sámegielaid Microsoft Officii.

Geavahit Divvun-reaiddui Macas

Go leat rahpan MS Office, de fertet muitalit Officii makkár gillii teaksta lea vai čállindárkkisteaddji galgá doaibmat.

1. Merke sámi teavstta:

Merke sámi teavstta

2. Mana fállui Verktøy > Språk… :

Mana fállui "Verktøy > Språk…"

3. Vállje giela Katalanska ( Catalan ) jus leat čállimin davvisámegillii , giela Baskiska ( Basque ) jus čálát julevsámegillii , dahje giela Slovakiska ( Slovak ) jus čálát lullisámegillii:

Vállje giela

4. Jus eanáš áiggi čálát sámegiela, de vállje sámegiela standárdan ná: Coahkkal boalu Default… (ovddit govas) ja de coahkkal boalu Yes:

Sámegiella standárdan?

5. Čáledettiin ihtet rukses sázut sániid vuollái maid čállindárkkisteaddji ii dohkket:

Sámi teaksta mas leat čállinmeattáhusat

6a. Sáhtát dalle juogo olgešcoahkkalit (control-coahkkalit) sániid main leat rukses sázut, nugo dás vuolábealde:

Evttohusat fálus

6b. dahje sáhtát álggahit čállindárkkisteami sierra lásežis:

Fálus gos rahpá čállindárkkistanláseža

Čállindárkkistanláseš

7. Jus iskat guđe veršuvdna čállindárkkisteaddjis lea, de čális teavstta «nuvviDspeller», ja olgešcoahkkal dan:

Iskka Divvun-veršuvnna