Šiehtadus: Teavsttaid geavahanvuoigatvuođat

Sii geat fievrridit/sirdet geavahanvuoigatvuođa (addit)

Dat gii oažžu geavahanvuoigatvuođa (vuostáiváldi)

2.1. Dát šiehtadus guoská daid teavsttaid geavahanvuoigatvuođaide, mat leat dahje galget rievdaduvvot elektrovnnalaš hápmái. Vuostáiváldi sáhttá bidjat dan iežas teakstačoakkáldahkii ja geavahit dan dutkanulbmiliidda ja/dahje giellateknologalaš prográmma ovddideapmái.

2.2 Teavsttaid addit sihkkarastet ahte sis lea vuoigatvuohta addit vuostáiváldái daid teavsttaid maidda dát šiehtadus gusto.

3.1 Teavsttaid mat ožžot geavahanvuoigatvuođa, čállojuvvojit listun dán šiehtadusas.

3.2 Dahkkivuoigatvuohta ja immateriála vuoigatvuohta dáidda teavsttaide gullá teavsttaid addái.

3.3 Vuostáiváldi oažžu ii-eksklusiiva vuoigatvuođaid, mávssakeahttá addái, bidjat teavsttaid iežas teakstačoakkáldahkii. Vai dán sáhttá dahkat, de teavsttat soitet gieđahallojuvvot sihke manuálalaččat ja dihtoriin, muhto nu ahte daid sisdoallu ii rievdda. Teavsttaide lea goittotge vejolaš lasihit/bidjat kodaid mat dárbbašuvvojit dieđalaš dutkamušain, dahje EDB-gieđahallamis, dego dieđuid cealkaga birra, bihtáid, sátneluohkáid ja giela eará iešvuođaid dahje eará klassifiseremiid birra.

3.4 Teavsttaid addit eai oaččo dahkkivuoigatvuođaid dahjege eará immateriála vuoigatvuođaid teavsttaid gieđahallama dutkanbohtosiidda. Teavsttaid addiid birra goittotge muitaluvvo teakstačoakkáldagaid gihppagiin ja dokumentašuvnnain.

3.5 Vuostáiváldi sáhttá vurket teavsttaid iežas dihtorii ja/dahje bidjat teavsttaid olgguldas dihtorguovddážii. Vuostáiváldi geatnegahttá iežas sihkkarastit ahte teavsttaid dihtorsihkkarvuohta ja eavttut ja geatnegasvuođat, mat gullet dán šiehtadussii, ollašuvvet.

3.6 Vuostáiváldis ii leat vuoigatvuohta addit teavsttaid, kopiijaid teavsttain dahje geavahanvuoigatvuođaid teavsttaide goalmmát oassebeallái, earret dan mii lea namuhuvvon čuoggá 3.7:s. Jus vuostáiváldi vurke teavsttaid olgguldas dihtorguovddážii, mii lea namuhuvvon čuoggá 3.5:s, lea dihtorguovddáža bargiin vuoigatvuohta ordnet teavsttaid geavaheami várás, nu mot lea namuhuvvon čuoggá 2.1:s.

3.7 Vuostáiváldi sáhttá addit persovnnalaš geavahanvuoigatvuođa teakstačoakkáldagaide olbmuide, geat leat vuolláičállán geavahanvuoigatvuođašiehtadusa mii lea mielddusin dán šiehtadussii. Vuostáiváldi ii sáhte addit teakstačoakkáldagaid geavahanvuoigatvuođa olbmuide, geaid navdá rihkkut šiehtadusa eavttuid. Vuostáiváldi geatnegahttá iežas dieđihit teavsttaid addiide ovttatmano jus son oažžu diehtit eavttuid vejolaš rihkkumiid birra.

3.8 Geavahanvuoigatvuohta guoská vuoigatvuhtii geavahit (oktiivástideaddjin dahkkivuoigatvuođa lágain ja njuolggadusain ja buori dieđalaš vieruin):

• teavsttaid dieđalaš dutkamii,
• daid giela iešvuođaide (ee. statistalaš dieđuide, giellaoahpalaš njuolggadusaide ja sáni semantihkalaš erohusaide) mat leat boahtán ovdan teavsttaid guorahaladettiin,
• oanehis ovdamearkasitáhtaide teavsttain ja
• teavsttaid kommersiála ja ii-kommersiála giellateknologalaš dahje vástideaddji ulbmiliidda, mat eai rihkko dahkkivuoigatvuođalágaid.

3.9 Vuostáiváldi geatnegahttá iežas čuovvut dakkár teakstagieđahallanprinsihpaid nu ahte dihtorsihkkarvuohta ja -suddjen ollašuvvet.

3.10 Vuostáiváldi fállá addit ovtta veršuvnna gieđahallojuvvon ja kodejuvvon teavsttain mat leat biddjon teakstačoakkáldahkii, ruovttoluotta teavsttaid addái.

3.11 Dát šiehtadus gusto go buot oassebealit leat vuolláičállán dan.

3.12 Vuostáiváldi sáhttá cealkit eret šiehtadusa ja máhcahit teavsttaid oktan kopiijaiguin teavsttaid addái, dahje sihkkut eret teavsttaid oktan kopiijaiguin, ja dieđihit dán birra áššálaččat teavsttaid addái. Teavsttaid addis lea vuoigatvuohta cealkit eret dán šiehtadusa jus vuostáiváldi mealgadit rihkku dán šiehtadusa eavttuid iige njulge iežas eaktorihkkumuša fuolakeahttá čálalaš cuiggodemiin, 60 beaivvi siste maŋŋel go lea cuiggoduvvon.

3.13 vejolaš soahpameahttunvuođa dán šiehtadusa oktavuođas galget oassebealit geahččalit šiehtadallat.

3.14 Juohke šiehtadusoassebealis galgá leat okta gáhppálat dán šiehtadusas.

• Teavstta namma, ISBN: xxxxxxxxx

• Geavahanvuoigatvuođašiehtadus teakstačoakkáldahkii