Sjiehtadus tevstaj adnemriektá gáktuj

Sij gudi adnemriektáv sirddi (vadde)

Dat gut adnemriektáv oadtju (vuosstájvállde)

2.1. Dát sjiehtadus guosská adnemriektáv tekstajda ma rievddaduvvi elektråvnålasj hábmáj. Vuosstájvállde oadtju biedjat dav ietjas tækstatjoakkáldahkaj ja adnet dav dutkamaktijvuodan ja/jali åvddånahtátjit giellateknolåvgålasj prográmmajt.

2.2 Vadde duodasti siján la riektá vuosstájválldáj vaddet tevstajt majt dát kontrákta gåbtjå.

3.1 Tevsta majn adnemriektá sirdeduvvi nammaduvvi dán kontrávtan.

3.2 Tevstaj dahkkerievtesvuohta ja immateriella adnemriektá gulluji tevstaj vaddijda.

3.3 Vuosstájvállde adtju riektáv tevstajt ietjas tækstatjoakkáldahkaj biedjat váni máksemis vaddijt dán riektá åvdås. Dát riektá ij la eksklusijvva. Tevsta soajttá giehtadaláduvvat sihke manuellalattjat ja masjijnalattjat, valla dakkir láhkáj vaj sisadno ij rievddaduvá. Tevstajda la huoman vejulasj lasedit kåvdåjt ma li dárbulattja diedalasj guoradallamij, jali EDM-giehtadallamij, dagu diedo gárgadisáj, gihpoj, báhkoklásaj ja ietjá gielalasj vuogij jali klassifisierimij birra.

3.4 Tevstaj vadde e oadtjo dahkkerievtesvuodav jali ietjá immateriella riektájt dutkambåhtusijda ma li båhtusa tevstaj giehtadallamijs. Vadde galggi huoman nammaduvvat girjátjijn ja diedojn tækstatjoakkáldagá birra.

3.5 Vuosstájvállde oadtju vuorkkit tevstajt ietjas dáhtámasjijnnaj ja/jali ietja ålgoldis dáhtásentrállaj. Vuosstájvállden le vælggogisvuohta sihkarasstet tevstaj dáhtáoaggásvuodav ja ævto ja vælgo ma tjuovvu dáv kontrávtav ålliduvvi.

3.6 Vuosstájvállden ij la loahpe tevstajt, tevstaj kopidjajt jali tevstaj adnemriektájt vaddet ietjádijda ietján gå mij la nammaduvvam tjuokkan 3.7. Jus vuosstájvállde tevstajt vuorkki ålgoldis dáhtáguovdátjin, dagu nammaduvvam tjuokkan 3.5, li barggin dán dáhtáguovdátjin riektá tevstajt giehtadallat dagu tjielggiduvvam tjuokken 2.1

3.7 Vuosstájvállde máhttá persåvnålasj adnemriektáv tækstatjoakkáldahkaj vaddet ulmutjijda gudi li vuollájtjállám adnemriektákontrávtav dán kontrávta tjuovvusin. Vuosstájvállde ij galga adnemriektáv tækstatjoakkáldahkaj ulmutjijda vaddet gudi soajtti kontrávta ævtojt dåssjidit. Vuosstájvállden le vælggo vaddijt dalága diededit jus oadtju diedov dá ævto li dåssjiduvvam.

3.8 Adnemriektá guosská riektáj tækstatjoakkáldagáv elektråvnålasj hámen adnet dáj aktijvuodajn (dahkkerievtesvuodaj lágaj ja njuolgadusáj ja aj buorre diedulasj dábij milta):

• diedalasj dutkamij
• guoradallat tevstaj gielav (buojk. gávnnat statistihkalasj dáhtáv, grammatihkalasj diedojt, bágojt)
• almodit oanes buojkulvisgárgadisájt
• adnet tevstajt kommersiála ja ij-kommersiála giellateknolåvgålasj ájggomusájda ma e dåssjida dahkkerievtesvuodalágajt. Buojkulvisá li tjállemdárkastusá, giellaoahppamprográmma, masjijnnajårggålibme, jnv.

3.9 Vuosstájvállden le vælggogisvuohta tjuovvot tækstagiehtadallamprinsihpajt ma sihkarassti dáhtáoaggásvuodav ja -suodjalimev.

3.10 Vuosstájvállde fállá vaddijda vaddet gárvedum ja kåvddiduvvam versjåvnåv tevstajs ma li tækstatjoakkáldahkaj laseduvvam.

3.11 Dát kontrákta doajmmagoahtá gå divna kontráktaoassálasste li dav vuollájtjállám.

3.12 Vuosstájvállde máhttá låhpadit kontrávtav jus rádjá tevstajt aktan divna kopidjaj ruoptus vaddijda, jali jus gádot tevstajt aktan divna kopidjaj, ja jusvaddijda ássjeguoskavasj láhkáj diedet dán birra. Tevstaj vaddijn le riektá kontrávtav hiejttet jus vuosstájvállde duodas la dåssjidam ævtojt dán kontrávtan, ja jus ij la, tjálalasj tsuojggidime niedjen, njuolggim ietjas æktodåssjidimev 60 biejve dán tsuojggidime maŋŋela.

3.13 Jus li kontrávta aktijvuodan ássje masi oassálasste e guorrasa, galggá gæhttjalit sjiehtadallama baktu guorrasibmáj boahtet.

3.14 Juohkka kontráktaoassálassten la eksemplárra kontrávtas.

• Tevsta namma, ISBN: xxxxxxxx

• Tækstatjoakkáldagá adnemriektásjiehtadus