Sajáiduhttit, heivehit ja molsut boallobeavdehámuhusaid Windows 10:s

Sajáiduhttin

  1. Mana Divvuma siidui gos gávnnat boallobeavdehámuhusaid, ja coahkkal Windows 10 viežžanliŋkka:

    Viežžan

  2. Vuoje sajáiduhtti maid vižžet:

    Vuoje sajáiduhtti

  3. Suova sajáiduhtti dahkat rievdadusaid:

    Suova sajáiduhtti dahkat rievdadusaid

  4. Vállje sajáiduhtti giela:

    Vállje sajáiduhtti giela

  5. Vállje gosa bidjá fiillaid. Ale rievdat jus eai leat erenoamáš dárbbut:

    Gosa bidjá fiillaid

  6. Vállje báikki Start-fálus. Ale rievdat jus eai leat erenoamáš dárbbut:

    Start menu

  7. Dál leat gárvvis sajáiduhttigoahtit:

    Gárvvis sajáiduhttigoahtit

    Sajáiduhttin

  8. Ođđa boallobeavdehámuhusat doaibmagohtet albma láhkai easka maŋŋágo leat vuolggahan dihtora ođđasit:

    Vuolggahit dihtora ođđasit

  9. Maŋŋágo dihtor lea ođđasit vuolggahuvvon, ođđa boallobeavdehámuhusat galggašedje ihtit boallobeavdefálus (jus eai, čuovo bagadasa vuollelis):

    Boallobeavdefállu

Heivehus

Sajáiduhtti dábálaččat heiveha ođđa sajáiduvvon boallobeavdehámuhusaid. Jus dát ii leat dáhpáhuvvan, dahje jus háliidat rievdadit heivehusa, daga ná:

  1. Mana Start-fállui ja coahkkal heivehusaid:

    Startmeny

  2. Mana Tid og språk-merkošii:

    Kontrollpanel

  3. Coahkkal Legg til et språk:

    Giella

  4. Coahkkal Davvisámegiella:

    Lasit giela

  5. Vállje dan Davvisámegieleavttu mii heive dutnje:

    Báikkálaš molssaeavttut

  6. Merke Davvisámegiella ja coahkkal Alternativer:

    Giella maŋŋágo lea válljen davvisámegiela

  7. Coahkkal Legg til et tastatur:

    Giellamolssaeavttut

  8. Vállje Samisk, utvidet Norge:

    Čállingiellavuohki

  9. Merke Norsk med samisk ja coahkkal Fjern:

    Giellamolssaeavttut: Váldde eret «norsk med samisk»

  10. Dál dus lea Davvisámegiella (Norga) čállingiellan ja boallobeavdi mii gullá dasa lea Samisk, utvidet Norge:

    Giella go davvisámegiella lea heivehuvvon

Molsut boallobeavdehámuhusaid

Boallobeavddis deaddilat Windows+gaska dassáigo davvisámi boallobeavdehámuhusat leat aktiivvat:

Giella go davvisámegiella lea heivehuvvon