Hállansyntesa

Ođđasat!
Davvisámi hállansyntesa lea almmuhuvvon 6.5.2015!

Divvun ja Sámediggi leat ráhkadan davvisámi hállansyntesa ovttas Acapelain. Hállansyntesain, dehe teavsttas-hállamii, šaddá vejolaš dihtorii lohkat teavstta jitnosit ollu prográmmain. Šearbmalohkanprográmma olis (ferte sierra háhkkojuvvot) sáhttá dihtor jitnosit lohkat visot teavstta mii oidno šearpmas. Gávdnojit guokte sámi jiena, nubbi lea nissonjietna ("Elle"), nubbi fas dievddujietna ("Biera").

Davvisámi hállansyntesa gávdno guovtti veršuvnnas:

  • Davvisámi Infovox 4 Windowsii
  • Davvisámi iVox OS Xii

Davvisámi Infovox (Windowsii) boahtá USB-sákkis, mii diŋgojuvvo nuvttá Sámedikkis dehe Divvumis UiT:s (feedback@divvun.no). USB-sággi lea peršuvnnalaš, muhte sáhttá váldojuvvot eret dihtoris sajáiduhttima maŋŋil. USB-sággi dahká maid vejolažžan atnit davvisámi hállansyntesa iežá dihtoriin go prográmma sáhttá vuddjot njuolga sákkis sajáiduhttima haga. Eanet bagadus dás.

iVox OS Xii sáhttá nuvttá viežžat dás. Davvisámi jienaide dárbbaha sierra koda maid nuvttá oažžu Divvumis UiT:s (feedback@divvun.no). Bagadusat sajáiduhttimii ja geavaheapmái gávdnojit dás (ruoŧagillii) ja dás (eŋgelasgillii).

Acapelas lea alddiset demo-siidu goste daid sámi jienaid sáhttá guldalit iešválljejuvvon teavsttain.

Sáhttá heivehit jienaid iežas dárbbuid mielde. Dan birra muitaluvvo Acapela davvisámi giellabagadusain. Doppe vuosttažin čilgejuvvo got jienat jitnosit lohket vissis konstrukšuvnnaid, muhto kapihttaliin 6 ja 7 selehuvvo got ieš heivehaddá.

Institušuvdnaliseanssat

Váldde oktavuođa Divvumiin jos leažžá dárbu máŋgga lisensii oktanaga, dego olles institušuvdnii. Jos áigu servera TTS-bálvalusain, de váldde oktavuođa Acapelain (oktavuođadieđut vuollelis).

Ovddideddjiide

Davvisámi hállansyntesa gávdno máŋgga veršuvnnas ovddideddjiide vásedin ja iežáide geat sihtet integreret hállansyntesa iežá prográmmaide ja vuogádagaide:

  • SDK: Acapela TTS Windowsii – PC
  • SDK: Acapela TTS Windowsii – Server
  • SDK: Acapela TTS Linuxii – Server
  • SDK: Acapela TTS OS Xii

SDK-veršuvnnaid ferte diŋgot njuolga Acapelas. Váldet oktavuohta Susanne Magnussonain (susanne.magnusson@acapela-group.com, tlf +46 8 799 86 02) jos jearaldagat leat dáid veršuvnnaid birra.