Præssadiededibme, 29.05.2007

Biejvve: 29.05.2007
Guládallamålmåj: Prosjæktajådediddje Sjur Nørstebø Moshagen, tel. mob. +358 50 56 34 319

Sámedikke Divvun-prosjækta almot uddni vuostasj versjåvnåv riektatjállemprográmmas mij doajmmá Microsoft Office-páhkan gånnå prográmma Word, Outlook, PowerPoint ja Excel gávnnuji.

Sámegiella divvomnævojs almoduvvá nuorttasáme ja julevsáme riektatjállemprográmma ja nuorttasáme báhkojuohkke. Julevsáme báhkojuohkke almoduvvá tjaktjaj. Nævojt dåhkki nåvkå viedtjat, ja gå gárves versjåvnnå almoduvvá de aj dáv dåhkki nåvkå viedtjat. Divna gálldokåvddå majt Sámedigge æjggu li aj rabás gájkajda.

Ij la gal gárves riektatjállemprográmma mij almoduvvá, valla beta-versjåvnnå. Riektatjállemprográmma galggá doajmmat teknihkalasj vigij dagi ja ietjá stuoráp vigij dagi juska beta-versjåvnnå ij la gárves mij guosská åvddånahttemij ja adnuj. Almodime tjadá sihtá Divvun-prosjækta diedojt oadtjot bágoj birra ma vájllu, teknihkalasj gássjelisvuodaj birra ja ietjá vánesvuodaj birra, váj dá máhtti divoduvvat åvddål gå gárves versjåvnnå almoduvvá tjaktjaj.

Riektatjállemprográmma mij almoduvvá doajmmá MS Officen, Windowsan ja Macan. Riektatjállemprográmma mij doajmmá InDesignan ja OpenOffice.org:an almoduvvá tjaktjaj. Dåhkki adnet OpenOffice.org:av, majt nåvkå máhttá viedtjat, Microsoft Offica sajen, dát doajmmá aj Linuxin. Riektatjállemprográmma ådåstuhteduvvá maŋenagi ja ådå versjåvnå sijddabælláj almoduvvi.

Riektatjállemnævojt dåhkki viedtjat Divvun-prosjevta sijddabielen divvun.no. Dåhkki aj dájt nævojt viedtjat Sámedikke sijddabielen.

Vuona Sámedigge háldat Divvun-prosjevtav, mij ruhtaduvvá Sámedikkes, Barggo- ja Inkluderimdepartementas, Kultuvrra- ja girkkodepartementas, Máhttudakdepartementas ja Nordplus Sprogas. Prosjækta aktisattjat barggá Råmså universitehta giellateknologijabirrasijn. Polderland Language & Speech Technology bv la integrerim MS Offica vuossti.