Preassadieđáhus, 10.12.2007

Preassadieđáhus

Beaivi: 10.12.2007
Gulahallanolmmoš:
Prošeaktajođiheaddji Sjur Nørstebø Moshagen, tel. mob. +358 50 56 34 319

PRM: Sámediggi almmuha divvunreaidduid: Veršuvdna 1.0

Divvun-prošeakta almmuha dál vuosttaš, almmolaš veršuvnna čállindárkkistanreaiddus mii doaibmá Microsoft Office-páhkas. Almmuheapmi lea Oslos, gaskavahkku, juovlamánu 12. b. dii. 10.00, Máhttodepartemeantta Y-dobis, lanjas Y1000 ("Medierommet"). Almmuheamis lea Sámediggepresideanta ja Sámediggeráđđi, Máhttodepartemeantta politihkalaš stivrra representánta, prošeaktajoavku ja prošeaktastivra. Media lea buresboahtin.

Sáme čállindárkkistanreaidduid almmuheapmi lea dehálaš lávki lážidiin saji sámi gielaide ođđa áiggi IKT-servodagas, ja šaddá veahkki ollu sámegielagiidda, mat eai leat ovdal máhttán dehe duostan čállit iežaset gillii.

Sámi riektačállinreaiddut sisttisetdollet davvi- ja julevsámegiela čállindárkkisteami ja automáhtalaš sátnejuohkima. Buot reaiddut bohtet nuvttá geavahussii, ja visot Sámedikki dahkan gáldokodat leat friddja oažžumis GPL-liseanssa vuolde.

Riektačállinreaiddut mat dál almmuhuvvojit leat MS Office várás, sihke Windows ja Mac geavahanvuogádagaide. Sátnejuohkin ja stávenkontrolla InDesignii ja reaiddut OpenOffice.orgii bohtet maŋŋil. Manná atnit OpenOffice.org, maid nuvttá oažžu viežžat, Microsoft Offica sajis, dat doaibmá Linuxis nai. Reaidduid ođasmahttimat biddjojit jámma sisa.

Reaiddut leat gávdnamis divvun.no, ja buot berošteaddjit ožžot daid viežžat. Reaidduid lea maid vejolaš viežžat Sámedikki ruoktosiiddus.

Divvun-prošeavtta jođiha Norgga Sámediggi. Sámediggi, Bargo- ja searvadahttindepartemeanta , Kultur- ja girkodepartemeanta, Máhttodepartemeanta ja Nordplus Sprog leat ruhtadan dan. Prošeavttas lea lagas ovttasbargu Romssa universitehta giellateknologiijabirrasiin. Ovttaiduvvama MS Officiin lágida Polderland Language & Speech Technology bv.