Hállansyntesa

Divvun lea ráhkadan áibbas ođđa julevsámi hállansyntesa, ja ođasmahttán davvisámi veršuvnna.

Leat golbma julevsámi jiena: okta nissonjietna ("Siggá"), ja guokte dievdujiena ("Nihkol" ja "Ábmut"). Lea okta davvisámi nissonjietna ("Biret").

Sajáiduhte hállansyntesa Divvun Manageris. Eanet dieđut ja demo gávnnat Borealium.org:s.

Hállánsyntesa (TTS) lea prográmma mii transformere teavstta hállamii. Šearbmalogan (mii lea sierra prográmma) geavaha hupmansyntesa ja lohká teavsttaid jitnosit eanáš programmain.