GramDivvun 1.0
Stávenkontrolla ja grammatihkkadivvun ovtta reaiddus.
Mearkkaš
Vuosttas sámi grammatihkkadivvun,
GramDivvun 1.0, lea dál almmuhuvvon. Dat doaibmá Google Docsas ja Microsoft Offices.
Installeren
 Google
Docs / GSuite  |
MS Office 365  |
| Grammatihkkadivvun lea fálus: Tillegg > Divvun Grammar Checker > Grammar check |
Grammatihkkadivvun gávdno tábbas: Home > Divvun Grammar Checker |
Ná GramDivvun adno
Vállje giela, ja deaddil Check.
Grammatihkkadivvuma ferte gohččut ođđasis geahččat go lea rievdadan teavstta, dat ii oainne go teaksta rievdaduvvo. Dát lea váili Offices og GDocsas, ja mii eat veaje maide dasa.
Davvisámi grammatihkkadivvun
Dán veršuvnnas mii geahččalit gávdnat dákkár meattáhusaid:
- dábálaš čállinmeattáhusaid (=stávenkontrolla)
- gaskkaid:
- váilevaš gaskkaid ruođuid ovddas ja maŋis
- gaskkaid ruođuid siste, muhte teavstta ovddas dehe maŋis
- váilevaš gaskkaid rihkuid maŋis, čuorvvasmearkkaid maŋis jna.
- ilá ollu gaskkaid
- goallossániid mat eai leat goallostuvvon
- sániid mat leat goallostuvvon muhte eai galggale
- sátnehámiid, main lea a ja á boasttukonteavsttas (omd. logat vs logát)
- dássemolsunmeattáhusaid (omd. biddjui vs bidjui)
Iežá sámegielat
Dat iežá sámegielat, mátta-, julevu-, anár- ja nuortalašsápmi, leat maid mielde GramDivvumis, muhte dáin lea dušše stávenkontrolla. Lea lihkká ávki, danin go de manná atnit stávenkontrolla oktavuođain main ii leat leamašan vejolaš ovdal, dugo dál Chromebookas, dehe Office365 neahttaveršuvnnas.