Sajáiduhttin ja geavaheapmi Chromebookes

Sámi boallobevddiid Chromebookii vieččat dás

Coahkkal «Legg til i Chrome», nanne dan go coahkkalat «Legg til utvidelsen». Oanehis áiggis boallobeavddit leat sajáiduhtton ja viežžansiiddus oidno «Fjern fra Chrome». Dat mearkkaša ahte sámi boallobeavddit leat sajáiduhtton.

Coahkkal stáhtusguovllu čállinbeavddi vuolit olgeš rávddas.
Stáhtuspanela ihtá dalle.
Chrome OS stáhtuspanela

Vállje «Innstillinger»
Chromebooka heivehussiidu čájehuvvo Chromes.

Bláđe vulos dassái go «Enhet» ihtá ja coahkkal «Tastatur»
Boallobeavdeheivehusat ihtet.
Chrome OS boallobeavdeheivehusat

Coahkkal «Endre språk- og inndatainnstillinger» siiddu botnis.
«Språk og inndata»-siidu ihtá.

Coahkkal «Inndatametode». Boksa stuorru ja aktiiva boallabeavdi ja «Administrer inndatametoder» čájehuvvo.
Hálddaš boallobeavdeheivehusaid

Coahkkal «Administrer inndatametoder»
«norsk» og «svensk» addet dáid boallobevddiid.

  • davvisámegiella
  • lullisámegiella
  • julevsámegiella

«finsk» addá dáid boallobevddiid.

  • davvisámegiella
  • anársámegiella
  • nuortalašgiella

Vállje dan maid háliidat ja gidde heivehusláse.
Vállje boallobevddiid

Ii bat leat dáro-, ruoŧa- dahje suomagiella?
Jus it oainne sámi boallobevddiid ja dus ii leat dáro-, ruoŧa- dahje suomagiella du mašiinnas, de gávnnat bagadusaid mo lasiha gielaid dás.

Šearpma vuolit olgeš rávddas lea giellaindikáhtora ihtán. Go dan coahkkalat de sáhtát válljet boallobeavddi. Sáhtát maid molsut sierra boallobevddiid gaskkas jus deaddilat Ctrl-Shift-gaska boaluid oktanaga.
Vállje boallobeavddi